Հունվար 25, 2016

Հայաստանում եղանակը կրկին կսկսի տաքանալ հունվարի 29-ից: ՀՀ Տարածքային կառավարման եւ արտակարգ իրավիճակների նախարարության «Հիդրոմետ» ծառայության օդերեւութաբանության կենտրոնի կանխատեսումների վրա հիմնվելով այս տեղեկությունը armtimes.com-ի հետ զրույցում փոխանցել է կենտրոնի պետի տեղակալ Գագիկ Սուրենյանը:

ՀՀ Քննչական կոմիտեի Տավուշի մարզային քննչական վարչությունում հարուցվել է քրեական գործ՝ Ներքին Կարմիր Աղբյուր գյուղում տեղի ունեցած ավազակային հարձակման և սպանության դեպքի առթիվ։

Իրանն ու Սաուդյան Արաբիան պետք է անեն հնարավոր ամեն ինչ, որ նվազեցնեն լարվածությունը հարաբերություններում, հայտարարել է Իրանի ԱԳՆ ղեկավարի տեղակալ Աբաս Արակչին: Այս մասին հայտնում է BBC-ի ռուսական ծառայությունը:

Արդարադատության նախարարի տեղակալ Արսեն Մկրտչյանը սրտի կաթված (ինֆարկտ) է ստացել:

1-ին և 2-րդ երեխայի ծնվելու կապակցությամբ տրվող երեխայի ծննդյան միանվագ նպաստը, իսկ 3-րդ և յուրաքանչյուր երեխայի ծնվելու դեպքում նպաստի՝ ուղղակի վճարվող գումարն այսուհետ կվճարվի բացառապես անկանխիկ եղանակով:

ՀՀ Ազգային անվտանգության ծառայության կողմից վնասազերծված «հանցավոր խմբի» գործով կալանավորված Նելլի Մինասյանն ազատ է արձակվել: Այս մասին 168.am-ի հետ զրույցում ասաց նրա պաշտպան Ինեսսա Պետրոսյանը՝ նշելով, որ նրա նկատմամբ որպես խափանման միջոց է ընտրվել ստորագրություն չհեռանալու մասին:

Հունվարի 26-ին շրջանների զգալի մասում սպասվում է ձյուն: Հունվարի 27-30-ին սպասվում է առանց տեղումների եղանակ:

Եվրոպայի Հայկական Միությունների Ֆորումի անունից բազմաթիվ անգամ դիմել եմ Ձեզ՝ ահազանգելով ալիևյան կլանի կողմից ՅՈՒՆԵՍԿՕ-ի գլխավոր տնօրենի կաշառվածության մասին, սակայն իմ նամակները տարօրինակ կերպով հայտնվել են տիկին Բոկովայի սեղանին:

Աֆղանստանի նախագահ Աշրաֆ Գանին BBC-ին տված հարցազրույցում խոստացել է «թաղել» ահաբեկչական ԴԱԻՇ խմբավորմանը ու հայտարարել է, որ ԴԱԻՇ-ի զինյալների գազանությունները «իրենցից վանել են աֆղան ժողովրդին», հայտնում է korrespondent.net-ը:

2016 թվականը Հայաստանում մեկնարկեց, այսպես կոչված, խոզի գրիպի համաճարակով և դրան առնչվող խնդիրներով: Համաճարակը, բարեբախտաբար, ինչպես մասնագետներն են ասում, արդեն նահանջում է, սակայն դեռևս առկա են դրա որոշակի հետևանքներ: Դրանցից մեկն էլ կարելի է համարել այն, որ հանրակրթական դպրոցներում դասերը հետաձգվեցին երկրորդ անգամ, ինչը քաղաքացիներից շատերը ողջունեցին, թեև քիչ չէին նաև քննադատողները:

Նախորդ տարի ՀՀ Ազգային անվտանգության ծառայության կողմից վնասազերծված «հանցավոր խմբի» գործով կալանավորված Սրբուհի Այվազյանը ևս ազատ կարձակվի: Նրա պաշտպան Սանվել Ջաղինյանը 168.am-ի հետ զրույցում ասաց, որ կալանքի ժամկետը երկարացնելու վերաբերյալ միջնորդություն չի ներկայացվել դատարան:

ՀՀ ԱԱԾ-ում քննվող «հանցավոր խմբի» գործով կալանավորված Հրանտ և Հայկ Վարդանյաններն ազատ կարձակվեն: Այս մասին 168.am-ի հետ զրույցում ասաց Լևոն Բաղդասարյանը՝ նշելով, որ նրանց կալանքի ժամկետը երկարացնելու վերաբերյալ միջնորդություն չի ներկայացվել:

Փակ է Ստեփանծմինդա-Լարս ավտոճանապարհը:

Դատախազությունը կբողոքարկի դատարանի որոշումը, որով պարտավորեցվել էր արգելանքից ազատել «Շենգավիթ» բժշկական կենտրոնի բժշկուհի Շուշանիկ Բախշյանին: Տեղեկությունը 168.am-ի հետ զրույցում հաստատեցին ՀՀ գլխավոր դատախազության հանրային կապերի բաժնից:

Համաձայն Երևանի ավագանու կողմից հաստատված պարտադիր բարեկարգման կարգի՝ մայրաքաղաքում գործունեություն իրականացնող տնտեսվարողները ձմռան ամիսներին պարտավոր են ապահովել իրենց օբյեկտների հարակից տարածքների ձնամաքրման և ձնահեռացման աշխատանքները:

Իրանում կալանավորվել է շուրջ 100 մարդ, որոնց կասկածում են Սաուդյան Արաբիայի դեսպանատան վրա հարձակման մեջ: Այս մասին հայտնել է Իրանի գլխավոր դատախազի ներկայացուցիչը, տեղեկացնում է Associated Press-ը:

ՀՀ տրանսպորտի և կապի նախարարությունը տեղեկացնում է, որ սաստիկ բքի և խիստ ցածր տեսանելիության պատճառով հունվարի 25-ին՝ ժամը 12:00-ի դրությամբ, դժվարանցանելի են Արթիկ-Ալագյազ, Արագած-Ծիլքար, Մաստարա-Լանջիկ-Մարալիկ, Արթիկ-Մարալիկ, Գյումրի-Բավրա ճանապարհահատվածները, Սպիտակի ոլորանները, Ջաջուռի լեռնանցքը:

168.am-ի տեղեկություններով՝ այսօր ազատ կարձակվի «հանցավոր խմբի» գործով կալանավորված Նելլի Մինասյանը:

Ֆրանսիայի նախագահ Ֆրանսուա Օլանդը հայտարարել է, որ տեսանյութը, որը հրապարակել են ԴԱԻՇ-ի զինյալները, չի ստիպի Ֆրանսիային հրաժարվել ահաբեկչության դեմ պայքարելուց, հայտնում է BBC-ն:

Ծննդկան Մերի Մարգարյանի գործով կասկածյալ, «Շենգավիթ» բժշկական կենտրոնի բժշկուհի Շուշանիկ Բախշյանին դեռ մեղադրանք չի առաջադրվել: Վերջինիս հետ քննչական գործողություն չի կատարվել առողջական վիճակի պատճառով:

ՀՀ տարածքային կառավարման և արտակարգ իրավիճակների նախարարությունը տեղեկացնում է, որ հունվարի 25-ի ժամը 11.30-ի դրությամբ ՀՀ տարածքում կան փակ և դժվարանցանելի ավտոճանապարհներ:

ՀՀ գլխավոր դատախազ, Մարդու իրավունքների եվրոպական դատարանում ՀՀ կառավարության լիազոր ներկայացուցիչ Գ. Կոստանյանի գլխավորած պատվիրակությունը հունվարի 25-ից 30-ը աշխատանքային այցով մեկնել է Ստրասբուրգ:

Նախօրեին Տավուշի մարզում ավազակային հարձակում է տեղի ունեցել՝ մահվան ելքով: Կայքի տեղեկություններով՝ հարձակման զոհ են դարձել տարեց մի տղամարդ և վերջինս 59-ամյա որդին:

Վաշինգտոնի պետական ու ուսումնական հաստատությունները հունվարի 25-ից չեն գործի վերջին 100 տարում ուժեղագույն՝ ձյան առատ տեղումների պատճառով, որը պատուհասել է ԱՄՆ-ի արևելյան հատվածը: Այս մասին տեղեկացրել է ԱՄՆ անձնակազմի վարչությունը:

ՀՀ ոստիկանությունը տեղեկացնում է, որ հունվարի 25-ին, ժամը 10-ի դրությամբ, հանրապետության մի շարք տարածքներում ձյուն է տեղում:

Թունիսում պարետային ժամը խախտելու համար ձերբակալվել է ավելի քան 800 մարդ, հայտնում է Mosaique FM ռադիոկայանը՝ վկայակոչելով ներքին գործերի նախարարության հայտարարությանը:

Ս.թ. հունվարի 15-ին Հայաստանի Հանրապետության առաջին նախագահ Լևոն Տեր-Պետրոսյանը ԱՄՆ Գլենդեյլ քաղաքի Glendale Memorial հիվանդանոցում ենթարկվել է աղիքային քաղցկեղի վիրահատության:

ՀՀ տրանսպորտի և կապի նախարարությունը տեղեկացնում է, որ հունվարի 25-ին՝ ժամը 10:30-ի դրությամբ, սաստիկ բքի և տեսանելիության բացակայության պատճառով փակվել է Լանջիկ-Մարալիկ ճանապարհահատվածը:

ԴԱԻՇ-ը հրապարակել է տեսանյութ, որտեղ, ինչպես ասվում է բացատրության մեջ, երևում են այն 9 մարդիկ, որոնք մասնակցել են Փարիզի 2015թ. նոյեմբերի 13-ի հարձակումներին, հայտնում է Reuters-ը:

168.am-ի տեղեկություններով` նախորդ տարի վնասազերծված խմբի գործով կալանավորված Լիլիթ Թորոսյանն ազատ է արձակվել։