Իրանում անկարգությունների պատճառով 100 մարդ է կալանավորվել
Իրանում կալանավորվել է շուրջ 100 մարդ, որոնց կասկածում են Սաուդյան Արաբիայի դեսպանատան վրա հարձակման մեջ: Այս մասին հայտնել է Իրանի գլխավոր դատախազի ներկայացուցիչը, տեղեկացնում է Associated Press-ը:
Պաշտոնյան նշել է, որ որոշ ձերբակալվածների ազատ են արձակել: Այլ մանրամասներ չեն հաղորդվում:
Հիշեցնենք, որ Սաուդյան Արաբիայի դեսպանատան վրա հարձակումը տեղի է ունեցել հունվարի 3-ի գիշերը: Դեսպանության շենքը հրդեհվել էր, կոտրվել էր ողջ կահույքը:
Երկու երկրների միջև կոնֆլիկտը ծագել էր Սաուդյան Արաբիայում շիա հայտնի քարոզիչ Նիմր ան-Նիմրի մահապատժի պատճառով:
Սաուդյան Արաբիայի իշխանությունները նրան կասկածում են ահաբեկչությունների մեջ: Դրանից հետո Թեհրանում բողոքի ցույցեր էին կազմակերպվել, որի մասնակիցները գրոհել էին Սաուդյան Արաբիայի դեսպանությունը:
Էր-Ռիադը խզել էր դիվանագիտական հարաբերությունները Թեհրանի հետ:
