Դատախազությունը կբողոքարկի Շուշանիկ Բախշյանին ազատ արձակելու որոշումը
Դատախազությունը կբողոքարկի դատարանի որոշումը, որով պարտավորեցվել էր արգելանքից ազատել «Շենգավիթ» բժշկական կենտրոնի բժշկուհի Շուշանիկ Բախշյանին: Տեղեկությունը 168.am-ի հետ զրույցում հաստատեցին ՀՀ գլխավոր դատախազության հանրային կապերի բաժնից:
Շուշանիկ Բախշյանը որպես կասկածյալ էր ներգրավվել ծննդկան Մերի Մարգարյանի մահվան գործով, նա ձերբակալվել էր: Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը քննիչին պարտավորեցրել էր արգելանքից ազատել նրան:
