ԴԱԻՇ-ը ցուցադրել է Փարիզի ահաբեկչությունների մասնակիցներին
ԴԱԻՇ-ը հրապարակել է տեսանյութ, որտեղ, ինչպես ասվում է բացատրության մեջ, երևում են այն 9 մարդիկ, որոնք մասնակցել են Փարիզի 2015թ. նոյեմբերի 13-ի հարձակումներին, հայտնում է Reuters-ը:
Տեսանյութի կադրերում այդ անձինք սպառնում են երկրներին, որոնք մասնակցում են հակաահաբեկչական կոալիցիային:
Ենթադրաբար, տեսանյութում նկարահանվածների թվում կա 4 բելգիացի, 3 ֆրանսիացի ու 2 իրաքցի: Նկարահանումները, ենթադրաբար, տեղի են ունեցել մինչ Փարիզի հարձակումները Սիրիայի կոմ Իրաքի անապատի ֆոնին: Ահաբեկիչները խոսում են ֆրանսերեն ու արաբերեն:
Տեսանյութում կան կադրեր Փարիզի ահաբեկչություններից ու ֆրանսիացի ուժայիններից, ինչպես նաև մարդկանց գլխատման ու գնդակահարման կադրեր:
Տեսանյութը պարունակում է սպառնալիք Մեծ Բրիտանիայի վարչապետ Դևիդ Քեմերոնի հասցեին: Մեծ Բրիտանիայի ԱԳՆ-ն, ինչպես նաև Քեմերոնի ադմինիստրացիան դեռ զերծ է մնում մեկնաբանություններից:
Ներկայում տեսանյութի ծագման մասին հստակ տեղեկություն դեռ չկա:
