Microsoft-ը կթողարկի հավելյալ իրականության ակնոցներ
Նյու Յորքում շնորհանդեսի ժամանակ Microsoft-ի փոխնախագահ Տերրի Մեյերսոնը լայն հասարակությանն է ցուցադրել հավելյալ իրականության HoloLens ակնոցները:
Նա հայտարարել է, որ մասնագետների համար նախատեսված նորույթի պաշտոնական վաճառքները նախանշված են հաջորդ տարվա առաջին եռամսյակին:
Հաղորդվում է, որ HoloLens Dev Kit հավաքածուի գինը կլինի 3 հազար դոլար, գրում է IT Pro պորտալը:
Սարքի ֆունկցիոնալությունը ցուցադրված է X-Ray խաղի օրինակով:
Սարքի հետ միասին վաճառվելու է նաև HoloLens Dev Kit հատուկ հավաքածու, որտեղ ներառված են լինելու ակնոցներ, հավելյալ լինզաներ ու սարք՝ դրանց խնամքի համար:
Սարքի համակարգը կգործի տան մյուս էլեկտրոնային սարքերի հետ: Շնորհիվ արհեստական հոլոգրամաների՝ օգտատերը կկարողանա ղեկավարել սարքերը եռաչափ ռեժիմում:
