Պատգամավորները գնում են Մոսկվա՝ ջարդուփշուր անելու. «Հրապարակ»
«Հրապարակ» թերթը գրում է. «ԱԺ շախմատիստ պատգամավորները շախմատի վարպետ պատգամավոր Տաճատ Վարդապետյանի գլխավորությամբ հոկտեմբերի 1-ին կմեկնեն Մոսկվա՝ միջխորհրդարանական շախմատի առաջնությանը մասնակցելու: Հայաստանի թիմը ՌԴ մայրաքաղաքում կներկայացնեն ԱԺ չորս պատգամավորներ՝ ՀՀԿ խմբակցությունից Տաճատ Վարդապետյանը, Արայիկ Հովհաննիսյանը, ՀՅԴ-ական Աղվան Վարդանյանն ու ԲՀԿ-ական Լյովա Խաչատրյանը: Ինչպե՞ս եք տրամադրված՝ կջախջախե՞ք ձեզ հակառակորդ պառլամենտականներին Մոսկվայում, հարցրինք Տ. Վարդապետյանին, ով անցյալ տարի կարողացավ հաղթել աշխարհահռչակ գրոսմայստեր Մագնուս Կառլսենին: «Դե ես չեմ կարծում, թե որևէ թիմ, երբ գնում է մասնակցելու, պարտության տրամադրությամբ է գնում, առավել ևս՝ Մագնուս Կառլսենից հետո, իհարկե Մարտական ենք տրամադրված»,- ասաց պարոն Վարդապետյանը»:
Ամբողջությամբ կարող եք կարդալ «Հրապարակ» թերթի այսօրվա համարում:
