Եթե Կատալոնիան անկախություն ձեռք բերի, ապա «Բարսելոնան» կարող է դառնալ «Այաքս» կամ «Սելթիկ». Իսպանիայի բարձրագույն մարզական խորհրդի նախագահ
Իսպանիայի Բարձրագույն մարզական խորհրդի նախագահ Միգել Կարդենալն իր կարծիքն է հայտնել Իսպանիայի կազմից Կատալոնիայի դուրս գալու դեպքում «Բարսելոնայի» հեռանկարի մասին:
«Ակումբների ֆինանսական բարօրությունը գլխավորապես կառուցվում է հեռուստատեսությունից ստացված եկամուտների վրա: Եթե 8 միլիոնանոց Կատալոնիան անկախություն ձեռք բերի, ապա «Բարսելոնան» ռիսկ է անում դառնալ «Այաքսի», «Սելթիկի» կամ «Ստանդարտի» նման ֆարմ-ակումբ, որը լավագույն դեպքում կհաղթահարի Չեմպիոնների լիգայի խմբային փուլը կամ դուրս կգա քառորդ եզրափակիչ:
Ես ինքս հանդիսանում եմ «Ատլետիկի» երկրպագու և գիտեմ, որ այն երբեք չի դառնա Իսպանիայի չեմպիոն»,- ասել է Կարդենալը:
Պատրաստեց Անի Գաբուզյանը
