Դիեգո Կոստան արժանի էր 2 հեռացման. խայտառակություն է, որ նա մնաց դաշտում. Արսեն Վենգեր

«Արսենալի» գլխավոր մարզիչ Արսեն Վենգերը սուր քննադատության է ենթարկել լոնդոնյան դերբիի դատավոր Մայք Դինին:

«Կատարվեց մեծագույն անարդարություն: Դիեգո Կոստան արժանի էր կարմիր քարտի, այնպես որ ես այսօր չէի ուզենա լինել Մայք Դինի փոխարեն: Ես չեմ հասկանում այդ իրավիճակը: Կոստան 2 անգամ պետք է հեռացվեր:

Տեսեք պահը, տուգանայինի փոխանցումից առաջ: Նա դիտավորյալ հարվածում է Կոսիելնիի դեմքին: Նա իսկական խառնաշփոթ առաջացրեց: Յուրաքանչյուր խաղում Կոստան շատ ագրեսիվ է իրեն պահում, բայց մրցավարների թուլության պատճառով դա նրա մոտ անցնում է:

Այն, որ մեզ մոտ 2 հոգու հեռացրին դաշտից, իսկ Կոստան մնաց, իսկական խայտառակություն էր»,- ցիտում է Վենգերին Goal.com-ը:
«Չելսի» – «Արսենալ» հանդիպումն ավարտվեց «Արսենալի» պարտությամբ` 0:2 հաշվով:

Պատրաստեց Անի Գաբուզյանը