Սաակաշվիլին Օդեսայի մարզի գլխավոր դատախազի պաշտոնում ներկայացրել է վրացի Դավիթ Սաքվարելիձեին
Ուկրաինայի գլխավոր դատախազի տեղակալ Դավիթ Սաքվարելիձեն նշանակվել է Օդեսայի մարզի գլխավոր դատախազ: Այս մասին հայտնել է Օդեսայի մարզի նահանգապետ Միխայիլ Սաակաշվիլին նրան պաշտոնապես ներկայացնելիս:
«Այս մարդը մեծ գործեր է արել Վրաստանում: Մենք այստեղ ենք եկել եւ հավատով ու ճշմարտությամբ կծառայենք այստեղ»,- հայտարարել է Սաակաշվիլին:
Միևնույն ժամանակ, Սաքվարելիձեն չի հրաժարվի գլխավոր դատախազի տեղակալի իր պաշտոնից, այլ երկուսն էլ կհամատեղի, հայտնում է TASS-ը:
Դավիթ Սաքվարելիձեն Ուկրաինայի գլխավոր դատախազ Վիկտոր Շոկինի տեղակալ էր նշանակվել 2015թ. փետրվարի 16-ին:
Ավելի վաղ նա նմանատիպ պաշտոն էր զբաղեցրել նաև Վրաստանում:
Ուկրաինայի նախագահ Պյոտր Պորոշենկոն նրան շնորհել էր Ուկրաինայի քաղաքացիություն:
