Դիարբեքիրում ռազմամթերքի պահեստում պայթյուն է տեղի ունեցել
Թուրքիայի հարավարևելյան Դիարբեքիր նահանգում գտնվող ռազմամթերքի պահեստում պայթյուն է տեղի ունեցել, հայտնում է Habertürk հեռուստաալիքը:
Հեռուստաալիքի տվյալով՝ պահեստը պատկանել է Թուրքիայի հատուկ ծառայություններին: Պայթյունի հետևանքով ուժեղ հրդեհ է ծագել: Դեպքի վայր են ժամանել շտապօգնության ու հրշեջ մեքենաներ:
Պայթյունի հնարավոր պատճառների ու տուժածների մասին տեղեկություններ դեռ չեն հաղորդվում:
