Թուրքական բանակը շրջապատել է 250 քուրդ զինյալի
Թուրքիայի հատուկ նշանակության ջոկատը շրջապատել է 250 ահաբեկչի, հայտնում են թուրքական ԶԼՄ-ները:
Ահաբեկիչները շրջապատման մեջ են ընկել Ջիլո լեռան վրա:
Հիշեցնենք, որ երեկ Թուրքիայի Հաքքարի նահանգի Դաղլըջա շրջանում «Քրդստանի աշխատավորական» կուսակցության (PKK) զինյալները ականապատել էին ճանապարհը, ինչի հետևանքով թուրքական բանակի երկու զրահամեքենա էր պայթել, սպանվել էր 15 զինվոր:
Թուրքիայի ԶՈւ գլխավոր շտաբի հայտարարության մեջ զոհերի ու վիրավորների թիվը չի մատնանշվում:
Դրանից հետո Թուրքիայի ռազմաօդային ուժերը օպերացիաներ էին իրականացրել շրջանում, որոնց հետևանքով մեծ թվով քուրդ զինյալներ էին սպանվել:
