Ինչպե՞ս է անցել մարտական երկրորդ հերթապահությունը. նոր մանրամասներ Տավուշի սահմանագծից
Անցած գիշեր ևս Տավուշի սամանագծում իրավիճակը հանգիստ է եղել, և մարտական հերթապահությունն անցել է առանց միջադեպերի:
Այս մասին քիչ առաջ Տավուշի սահմանագոտուց «Արցախպրես»-ի հետ հեռախոսազրույցում ասել է Արցախի ազատամարտիկների միության «Հայրենյաց պաշտպան» երիտասարդական հասարակական կազմակերպության նախագահ Հարութ Մնացականյանը:
«Անցած գիշեր սահմանին լուրջ միջադեպեր չեն գրանցվել, հակառակորդի կողմից կրակոցներ գրեթե չեն եղել, իրավիճակը հանգիստ է, իսկ զինվորների հետ կողք-կողքի Արցախի ազատամարտի միության անդամները շարունակում են մարտական հերթապահություն իրականացնել»,-ասել է Մնացականյանը` հավելելով, որ ազատամարտիկները դիրքերում կշարունակեն ծառայությունը ինչքան որ անհրաժեշտ լինի:
