Գյումրիում կախված տղան եղել է տան միակ երեխան. նոր մանրամասներ
Tsayg.am-ը գրում է. Երեկ ժամը 7-ի սահմաններում Լալայան 44 գ տան բակի ընկույզի ծառից կախված վիճակում հայտնաբերվել է 1990 թվականին ծնված Հայկ Զաքոյանի դին:
Երիտասարդը նշված հասցեում մոր հետ է բնակվել, տան միակ երեխան է: Ապրել են սոցիալապես ծանր պայմաններում, Հայկը մշտական զբաղվածություն չի ունեցել, աշխատել է որտեղ պատահի: Հարևանների խոսքով՝ երիտասարդը որոշակի առողջական խնդիրներ է ունեցել, որի պատճառով էլ բանակ չի զորակոչվել:
Դեպքով զբաղվում է ՀՀ քննչական կոմիտեի Շիրակի մարզային քննչական վարչությունը, փաստի առթիվ նյութեր են նախապատրաստվում:
