ԱՄՆ Պետդեպը հրապարակել է Հիլարի Քլինթոնի նամակագրության մի մասը
ԱՄՆ Պետդեպարտամենտը հրապարակել է գերատեսչության նախկին ղեկավար Հիլարի Քլինթոնի էլեկտրոնային նամակագրության մի մասը, որն ուղարկվել է նրա անձնական փոստային սերվերից, հայտնում է BBC-ի ռուսական ծառայությունը:
Ինչպես հայտնել է Պետդեպի ներկայացուցիչ Մարկ Թոները, ընդհանուր առմամբ, մատչում է տրվել ավելի քան 4 հազար հաղորդագրության, որոնցից 150-ը ստիպված են եղել խմբագրել՝ հանելով գաղտնի տեղեկությունները:
Հետաքննությունների դաշնային բյուրոն սկսել էր ուսումնասիրել Քլինթոնի էլեկտրոնային փոստն այն բանից հետո, երբ նա, լինելով ԱՄՆ պետքարտուղար, օգտագործել էր իր անձնական սերվերը ծառայողական նամակագրության համար, ինչը դաշնային օրենքի խախտում է:
Դրա պատճառով Քլինթոնը լուրջ քննադատության էր արժանացել Հանրապետական կուսակցության կողմիզ ու հայտնվել էր ճնշումների տակ մինչ ԱՄՆ նախագահական ընտրությունները, որոնց մտադիր է մասնակցել Քլինթոնը:
Անձամբ Քլինթոնի խոսքով՝ իր 60 հազար նամակների մոտ կեսը կրել է անձնական բնույթ:
