Թբիլիսիում չի բացառվում համաճարակի տարածումը
Վրաստանի գյուղատնտեսության նախարարության պարենի ազգային գործակալությունը չի բացառել ջրհեղեղից տուժած Թբիլիսիում համաճարակի տարածումը, հայտնում է «Գրուզիա օնլայնը»:
Ինչպես ասվում է գերատեսչության հայտարարության մեջ, մասնագետների խումբը Թբիլիսիի կենդանաբանական այգու տարածքում անցկացնում է համապատասխան միջոցառումներ, որպեսզի խուսափեն համաճարակի տարածումից, այդ թվում՝ իրականացվում է սատկած կենդանիների թաղման մոնիթորինգ:
«Գործակալության աշխատակիցները իրականացնում են նաև Սվանիձե փողոցում տեղակայված «Վակե» գործարանում փչացած մսամթերքի ոչնչացման գործընթացի վերահսկողություն, որն ամբողջությամբ ավերվել էր ջրհեղեղի հետևանքով»,-ասվում է կազմակերպության հայտարարության մեջ:
