Սահմանագոտուց քոչում են
Tesankyun.am-ը գրում է. Տավուշի մարզի Իջեւանի տարածաշրջանի սահմանամերձ Վազաշեն գյուղից արտագաղթը շարունակվում է: 1985-1987թվականներին Վազաշենի միջնակարգ դպրոցն ուներ 370 աշակերտ:
Այս ուսումնական տարում Վազաշենի դպրոցում սովորել է 85 աշակերտ:
Դպրոցի տնօրեն Սարգիս Խաչատրյանն ասել է, որ այս տարի կրթօջախն ունեցել է 9 շրջանավարտ: Աշնանը գյուղի դպրոցի առաջին դասարան կհաճախի 2 կամ 3 երեխա: Դպրոցի տնօրենը՝ հարցին, թե ինչո՞ւ է նվազում դպրոցի աշակերտների քանակը: Ս. Խաչատրյանն ասել է. «Քոչում են Ռուսաստան»:
Որո՞նք են Վազաշենից արտագաղթի պատճառները: Վազաշենում մարդկանց կյանքը, կենցաղը ծանր է, որին գումարվում է ադրբեջանական գնդակոծությունների վտանգը: Հայաստանի կառավարությունը բավարար աջակցություն չի ցուցաբերում սահմանագոտում ապրող վազաշենցիներին: 2013թ. Վազաշենում աֆրիկյան ժանտախտից սատկեց 180 խոզ:
Մանրամասներն՝ սկզբնաղբյուր կայքում:
