ԼՂՀ վարչապետը ցավակցական հեռագիր է հղել Հովիկ Աբրահամյանին
ԼՂՀ վարչապետ Արայիկ Հարությունյանը ցավակցական հեռագիր է հղել ՀՀ վարչապետ Հովիկ Աբրահամյանին` նրա հոր մահվան կապակցությամբ, որի մեջ, մասնավորապես, ասված է.
«Հարգարժա՛ն Հովիկ Արգամի,
Խորը ցավով տեղեկացա Ձեր սիրելի հոր՝ Արգամ Աբրահամյանի մահվան մասին: ԼՂՀ կառավարության և անձամբ իմ անունից խորապես ցավակցում եմ Ձեզ՝ այդ ծանր կորստի համար: Դժվարին այս պահին կիսում ենք Ձեր մեծ վիշտը և մեր զորակցությունը հայտնում Ձեզ, Աբրահամյանների ընտանիքին և բոլոր հարազատներին»:
