Հռոմի պապն ընկել է թակարդը. Դավութօղլու
Ռուսական РИА Новости լրատվական գործակալության փոխանցմամբ՝ Թուրքիայի վարչապետ Ահմեթ Դավութօղլուն Հռոմի պապ Ֆրանցիսկոսին մեղադրել է Թուրքիայում իշխող «Արդարություն ու զարգացում» կուսակցության (ԱԶԿ) դեմ «դավի մեջ մտնելու» մեջ՝ կապված Հայոց ցեղասպանության վերաբերյալ նրա հայտարարության հետ.
«Ներկայումս մեր դեմ ստեղծվում է չարիքի ճակատ: Հռոմի պապն ընկել է թակարդը՝ միանալով այդ դավին»: Դավութօղլուի խոսքերով՝ դավին մասնակցում են ընդդիմադիր «Ժողովրդա-հանրապետական» և «Ժողովուրդների դեմոկրատական» կուսակցությունները, որոնց Դավութօղլուն որակել է որպես «օտար նախագծեր»:
