Լեհաստանի, Դանիայի ու Շվեդիայի արտգործնախարարները ժամանել են Վրաստան
Новости-Грузия լրատվական գործակալության փոխանցմամբ՝ Լեհաստանի, Դանիայի ու Շվեդիայի արտգործնախարարները պաշտոնական այցով գտնվում են Վրաստանում, ուր կանցկացնեն բարձր մակարդակի մի շարք հանդիպումներ: Այս մասին հայտնել է Վրաստանի ԱԳՆ-ի մամլո ծառայությունը.
«Հատկանշական է, որ սա այդ երեք երկրների արտաքին քաղաքական գերատեսչությունների ղեկավարների եռակողմ ձևաչափով համատեղ առաջին այցն է Վրաստան: Տվյալ այցը հանդիսանում է գործընկերների ամուր աջակցության ևս մեկ ցուցիչ»:
Լեհաստանի արտգործնախարար Գժեգոժ Սխետինը, Դանիայի արտգործնախարար Մարտին Լիդեգարդը և Շվեդիայի արտգործնախարար Մարգոտ Վալստրյոմն այսօր կհանդիպեն Վրաստանի արտգործնախարար Թամար Բերուչաշվիլու հետ, ինչից հետո կկազմակերպվի համատեղ մամուլի ասուլիս:
Բացի այդ, երեք երկրների արտգործնախարարները հանդիպումներ կունենան Վրաստանի նախագահ Գեորգի Մարգվելաշվիլու, վարչապետ Իրակլի Գարիբաշվիլու, խորհրդարանի նախագահ Դավիթ Ուսուպաշվիլու, ընդդիմության ու քաղաքացիական հասարակության ներկայացուցիչների հետ:
