Դեսպան Թումանյանն իր հավատարմագրերի պատճենը հանձնեց Իրանի արտաքին գործերի նախարարին

Իր հերթին Իրանի ԱԳ նախարարը բարձր գնահատեց Իրան – Հայաստան հարաբերությունների ներկա վիճակը և իր զորակցությունը հայտնեց ՀՀ նորանշանակ դեսպանին վերջինիս առաքելության իրականացման գործում:

Դեսպան Թումանյանը նշեց, որ իր աշխատանքը նպատակաուղղված է լինելու քաղաքական բարենպաստ պայմաններում տնտեսական հարաբերությունների առավել խթանմանն աջակցելուն:

Անդրադարձ կատարվեց Լոզանում Իրանի միջուկային ծրագրի շուրջ ընթացող բանակցություններին: Այդ համատեքստում դեսպան Թումանյանը նշեց, որ Հայաստանն առաջին երկրներից էր, որ ողջունեց բանակցությունների արդյունքում ձեռք բերված շրջանակային պայմանավորվածությունը:

ՀՀ ԱԳՆ