Կառավարման նախագահական մոդելին անցում կատարելը կուժեղացնի Թուրքիան. Էրդողան
Թուրքական Hürriyet թերթի փոխանցմամբ` Թուրքիայի նախագահ Ռեջեփ Էրդողանը լրագրողների հետ զրույցում հայտարարել է, որ կառավարման նախագահական մոդելը կուժեղացնի Թուրքիան: Էրդողանը պարզապես անհրաժեշտություն է համարել կառավարման նախագահական համակարգին անցում կատարելը:
Անդրադառնալով հունիսի 7-ին Թուրքիայում անցկացվելիք խորհրդարանական ընտրություններին` Էրդողանը ճշգրտում է արել. նա հայտարարել է, որ իր կուսակցությունից պահանջել է ընտրությունների արդյունքներով խորհրդարանում ստանալ ոչ թե 400, այլ` 335 պատգամավորական մանդատ:
Էրդողանը մանրամասնել է, որ դա այն թիվն է, որը հնարավորություն կտա անցկացնել հանրաքվե, որը կառնչվի նաև կառավարման նախագահական մոդելին անցում կատարելուն:
