Սաուդյան Արաբիան պետք է դադարեցնի իր հանցավոր գործունեությունը Եմենում. Ալի Խամենեի
France-Presse լրատվական գործակալության փոխանցմամբ` Իրանի գերագույն ղեկավար և հոգևոր առաջնորդ, այաթոլլահ Ալի Խամենեին հայտարարել է, որ Սաուդյան Արաբիան պետք է դադարեցնի իր հանցավոր գործունեությունը Եմենում:
Ավելի վաղ Եմենի շիա ապստամբների առաջնորդը նույնպես հանցանք էր անվանել Սաուդյան Արաբիայի ավիահարվածները: Շիա ապստամբները կարծում են, որ Սաուդյան Արաբիայի այդ քայլն անհիմն է և հանդիսանում է Եմենի քաղաքացիների դեմ չարդարացված ագրեսիա:
ԱՄՆ պետքարտուղար Ջոն Քերին իր հերթին հայտարարել է, որ ԱՄՆ-ն Իրանին թույլ չի տա միջամտել Եմենի ռազմական հակամարտության ընթացքին:
