Պերմյակովին սպառնում է կրկնակի ցմահ ազատազրկում. Коммерсантъ
Ռուսական Коммерсантъ թերթի փոխանցմամբ` Ռուսաստանի Քննչական կոմիտեն խստացրել է Գյումրու ռուսական ռազմաբազայի զինծառայող Վալերի Պերմյակովի նկատմամբ մեղադրանքը, որին կասկածում են Ավետիսյանների ընտանիքին սպանելու մեջ:
Միայն երկու կետով նրան սպառնում է ցմահ ազատազրկում: Հայտնի է դարձել նաև, որ Քննչական կոմիտեի հանձնարարությամբ անցկացված հոգեբուժական փորձաքննությունը Պերմյակովին ճանաչել է փոփոխական:
Երեկ 102-րդ ռուսական ռազմակայանի տարածքում 5-րդ կայազորային ռազմական դատարանը երկարաձգել է շարքային Պերմյակովի կալանքը: Թերթը պարզել է, որ քննիչները Պերմյակովին ներկայացված 105.2 հոդվածի «ա» կետին (երկու և ավելի անձանց սպանություն) հավելել են «բ» կետը, որն առնչվում է անչափահաս սպանելուն: Այդ հոդվածի երկու կետերն էլ նախատեսում են ցմահ ազատազրկում:
Բացի այդ, Պերմյակովի նկատմամբ մեղադրանք է ներկայացված զենք հափշտակելու և դրա ապօրինի շրջանառության (ՌԴ ՔՕ 222.1 և 226.3 հոդվածներ) համար: Ուժի մեջ է մնացել նաև ՌԴ ՔՕ 338.2 հոդվածով ներկայացված մեղադրանքը (զենքը ձեռքին դասալքություն):
Բացի այդ, մեղադրանքի նոր տարբերակում հայտնվել է ՌԴ ՔՕ 33-րդ հոդվածը (հանցագործությանը համամասնակցություն), որին համապատասխան` զինծառայողն Ավետիսյանի անդամների, ներառյալ անչափահաս երեխաների սպանության անմիջական կատարողն է:
