Թուրքիան պլանավորում է մարդու իրավունքների հարցերով դիտորդական առաքելություն ուղարկել Ղրիմ
Ուկրաինական UNIAN լրատվական գործակալության փոխանցմամբ` Թուրքիան մտադիր է ոչ պաշտոնական դիտորդական առաքելություն ուղարկել Ղրիմ, որը կդիտարկի տեղի թաթարների իրավունքների խախտման հարցը:
Այս մասին հայտարարել է Լիտվայում գտնվող Թուրքիայի արտգործնախարար Մևլյութ Չավուշօղլուն: Նա ընդգծել է, որ դա տեղի կունենա մոտ ապագայում: Չավուշօղլուն անընդունելի է համարել Ղրիմում ստեղծված ներկայիս իրավիճակը:
Ղրիմի գործող իշխանությունները դադարեցրել են տեղի թաթարների ԶԼՄ-ների գործունեությունը, ինչն առաջին հերթին վերաբերում է ATR հեռուստաալիքին, որն իր հեռարձակումները կասեցրել է մարտի 31-ին:
