Քենիայում համալսարանի վրա իսլամականների հարձակման հետևանքով զոհվել է 147 մարդ
Deutsche Welle-ի փոխանցմամբ` Քենիայի Գարիսա քաղաքի համալսարանի հանրակացարանի վրա ահաբեկիչների ձեռնարկած ահաբեկչական հարձակման հետևանքով զոհերի թիվը հասել է 147-ի: Բացի այդ, վիրավորվել է 79 մարդ:
Ներկա դրությամբ արդեն իսկ ավարտված է հատուկ գործողությունը, բոլոր 4 ահաբեկիչները սպանվել են: Շենքից տարհանվել է 587 մարդ: Հարձակումն իրականացվել է ապրիլի 2-ի առավոտյան:
«Աշ-Շաբաբ» խմբավորման իսլամականները ներխուժել են Գարիսա քաղաքի Garissa University College, որը գտնվում է Սոմալիից 150 կիլոմետր հեռավորության վրա:
Շենքում գտնվել է առնվազն 400 ուսանող, որոնցից ավելի քան 70 հաջողվել է փրկվել: Հաղորդվել է, որ իսլամականները մարդկանց սպանելուց առաջ նրանց բաժանել են երկու խմբի` մուսուլմանների ու ոչ մուսուլմանների:
