«ՀՀԿ-ի համար ծանր օրեր են սկսվել». «Չորրորդ իշխանություն»
«Չորրորդ իշխանություն» թերթը գրում է. «ՀՀԿ-ի համար ծանր օրեր են սկսվել: Հայաստանի քաղաքացիների արժանապատիվ կենսակերպի համար մտահոգվելու փոխարեն իշխող կուսակցությունը նոր թափով ձեռնամուխ է եղել Ցեղասպանության 100-րդ տարելիցին ընդառաջ ձևական կողմը ապահովելու գործընթացին:
«ՉԻ» տեղեկություններով՝ վաղը Հայոց ցեղասպանության տուն-թանգարան են այցելելու ՀՀԿ կանանց խորհրդի 3000 հանրապետական կանայք: Այնտեղ ՀՀԿ-ական փափկասուն տիկնայք հանդես են գալու կոչ-հայտարարությամբ: «ՉԻ» տեղեկություններով՝ նրանց հրահանգված է ներկայանալ բացառապես սև գույնի հագուստներով: «ՉԻ» աղբյուրների փոխանցմամբ՝ հավաքի մասնակիցներին խստորեն ներկա–բացակա են անելու՝ բացակաների վարքը հետագայում քննարկելու խստիվ որոշումով»,– գրում է թերթը։
Ամբողջությամբ կարող եք կարդալ «Չորրորդ իշխանություն» թերթի այսօրվա համարում։
