Թբիլիսիում տեղի է ունեցել Թուրքիայի ու Ադրբեջանի պաշտպանության նախարարների երկկողմ հանդիպումը
Ադրբեջանական APA լրատվական գործակալության փոխանցմամբ՝ Թբիլիսիում ավարտվել է Ադրբեջանի ու Թուրքիայի պաշտպանության նախարարներ Զաքիր Հասանովի ու Իսմեթ Յըլմազի երկկողմ հանդիպումը:
Հանդիպման ժամանակ կողմերը քննարկել են երկու երկրների միջև ռազմական համագործակցության հարցը, ինչպես նաև քաղաքական, տնտեսական ու մշակութային կապերը:
Կողմերը քննարկել են նաև տարածաշրջանային անվտանգության հարցը: Նախարարներն ընդգծել են տարածաշրջանի համար երկկողմ ու եռակողմ ձևաչափերով հանդիպելու կարևորությունը:
