«Վեցյակի» ու Իրանի միջև ձեռք է բերվել սկզբունքային պայմանավորվածություն. Լավրով
Ռուսական ТАСС լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը, ով Լոզանում մասնակցում է Իրանի ու «Վեցյակի» միջև «միջուկային» բանակցություններին, հայտարարել է, որ այդ խնդրի առանցքային բոլոր հարցերի շուրջ նախարարների մակարդակով ձեռք է բերվել սկզբունքային պայմանավորվածություն:
Լավրովը մանրամասնել է, որ պայմանավորվածությունը նախատեսում է համապարփակ մոտեցում՝ ներառյալ ԱԷՄԳ-ի գծով Իրանի միջուկային ծրագրի խաղաղ բնույթը ստուգելն ու ներառյալ Իրանի դեմ սահմանված պատժամիջոցների վերացումը:
Լավրովն ընդգծել է, որ նախորդ տարվա նոյեմբերին որոշման քաղաքական շրջանակներ ձևավորելու ստանձնած պարտավորությունների առանցքային բոլոր ասպեկտներն իրագործվել են: «Վեցյակի» ու Իրանի փորձագետները մինչև հունիսի վերջ կմշակեն տեխնիկական դետալները:
