Ահա թե որտեղից են հայտնվում ավելորդ կիլոգրամները

Ավելորդ քաշի խնդիրներն ի հայտ են գալիս ոչ միայն անառողջ սննդակարգի արդյունքում, այլև՝ հորմոնային անհավասարակշռության: Եթե պայքարում եք ավելորդ քաշի դեմ և որևէ արդյունքի չեք հասնում, ապա, ամենայն հավանականությամբ, պատճառը հորմոնային խախտումներն են:

Մարդու հորմոնային համակարգը շատ նուրբ մեխանիզմ է: Անգամ ամենաաննկատ փոփոխությունը կարող է հանգեցնել բավականին լուրջ խնդիրների: Այդ պատճառով դրանից խուսափելու համար պետք  է հետևել հորմոններին՝ բժշկի հսկողության տակ:

1. 17 բետա էստրադիոլ (Е2)- Այս հորմոնն էստրոգենն է, որը պատասխանում է օրգանիզմում նյութափոխանակության կարգավորման, էներգիայի բարձր մակարդակի և լավ տրամադրության համար:  Էստրադիոլի պակասը կարող է կանանց մոտ ցիկլի խախտման և ավելորդ քաշի կուտակման պատճառ դառնալ:

2. Պրոգեստերոն- Պրոգեստերոնի քանակի բարձրացումը  նկատվում է հղի կանանց մոտ: Պրոգեստերոնը նպաստում է կերակրող մայրերի մոտ ախորժակի բարձրացմանը,  պատասխանատվություն է կրում կրծքի կաթի  արտազատման համար: Պրոգեստերոնը կարող է բարձր լինել նաև ոչ հղի կանանց մոտ՝ հանգեցնելով գիրացման:

3. Տեստոստերոն- Տեստոստերոնի  նվազեցումը տարիքի հետ հանգեցնում է քաշի կուտակման: Այս տեսակի հորմոնի քանակությունը կանանց մոտ այնքան էլ շատ չէ,  իսկ այն խթանում է մկանների աճն և ճարպերի այրումը:

4. Թիրեոիդային հորմոններ- Т3 и Т4 հորմոններն են, որոնք արտազատվում են վահանաձև գեղձի կողմից և պատասխանատու են բջիջներում էներգիայի  արտազատման ակտիվ գործընթացների համար: Մարդու նյութափոխանակությունը կախված է արյան մեջ այս հորմոնի քանակությունից,  դրա անբավարար քանակության և վահանաձև գեղձի ֆունկցիայի խախտման դեպքում քաշի ձեռքբերումն արագ է տեղի  ունենում:

5. Կորտիզոլ- Սթրեսի հորմոնը, որը հաճախ համարվում է որովայնի հատվածի ավելորդ ճարպերի գոյացման պատճառ: Արյան մեջ ադրենալինի և կորտիզոլի արտազատումը հանգեցնում է քաղցի առաջացման: Սրանով է բացատրվում սթրեսից հետո քաղցրի պահանջը:

6. Լեպտին– Լեպտինն այն սպիտակուցն է, որն արտազատվում է ճարպային բջիջների կողմից և ուղեղին ազդանշան է ուղարկում արյան մեջ ճարպային մասսայի վերաբերյալ: Ինչպես նաև՝ լեպտինը կարգավորում է  արյան մեջ գլյուկոզայի քանակը, ազդում է վերարտադրողական ֆունկցիայի վրա:  Էստրոգենը, տեստոստերոնն ու կորտիզոլն ազդում են արյան մեջ լեպտինի քանակի վրա: Լեպտինի բարձր կամ ցածր քանակությունը պատճառ է դառնում ավելորդ քաշ կուտակելու և շաքարախտ ձեռք բերելու համար:

Դիետա սկսելուց առաջ համոզվեք, որ  ավելորդ քաշի խնդիրները կապված չեն հորմոնների հետ:  Չէ՞ որ հենց հորմոնային դիսբալանսն է համարվում գիրության առաջնային պատճառներից մեկը:

Նյութը հրապարակման պատրաստեց Լիլիթ Հարությունյանը