Մենք կանենք ամեն ինչ, որպեսզի չլինի պատերազմ. Մարգվելաշվիլի
Новости-Грузия լրատվական գործակալության փոխանցմամբ՝ Վրաստանի իշխանությունները կանեն ամեն բան, որպեսզի չլինի պատերազմ, սակայն զինվորականները մշտապես պետք է պատրաստ գտնվեն: Այս մասին զինվորականների հետ հանդիպման ժամանակ հայտարարել է Վրաստանի նախագահ Գեորգի Մարգվելաշվիլին.
«Ցանկանում եմ շնորհակալություն հայտնել ձեզ՝ մեր հայրենիքին ծառայելու համար: Ձեր պրոֆեսիոնալիզմի բարձրացումն այն բանի երաշխիքն է, որ որևէ մեկի մոտ երբևէ ցանկություն չի առաջանա և համարձակություն չի գտնվի մեր հայրենիքի խաղաղության, մեր քաղաքացիների նկատմամբ ոտնձգություն գործելու համար»:
Մարգվելաշվիլին նկատել է, որ այսօր վրացի զինվորականները պաշտպանում են գլոբալ խաղաղությունը՝ Աֆղանստանում ու ԿԱՀ-ում մասնակցելով խաղաղապա գործողությունների:
