Ռուսաստանի, Բելառուսի ու Ղազախստանի տնտեսական միությունն ընդլայնվել է Հայաստանի ու Ղրղզստանի հաշվին. Լուկաշենկո
Ռուսական ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն անհրաժեշտ է համարում զարգացնել ոչ միայն Ռուսաստանի, Բելառուսի, Ղազախստանի, Հայաստանի ու Ղրղզստանի միասնական տնտեսական տիրույթը, այլև՝ Բելառուսի հետ Դաշնակցային պետությունը, որը համարում է ավելի առաջ գնացած ինտեգրման տեսանկյունից:
Պուտինն այդ մասին հայտարարել է երեկ՝ Բելառուսի նախագահ Ալեքսանդր Լուկաշենկոյի հետ բանակցությունների մեկնարկի ժամանակ. «Այս անգամ մենք հավաքվել ենք՝ խոսելու համար մեր փոխգործակցության առանցքային հարցերից մեկի՝ Դաշնակցային պետության կառուցման մասին, շատ բան արվել է նախորդ տարիներին»:
Պուտինը կարծում է, որ մեկը չի փոխարինում մյուսին՝ նկատի ունենալով Ռուսաստանի, Ղազախստանի ու Բելառուսի հետ համատեղ ընդհանուր շուկա ստեղծելը, միասնական տնտեսական տիրույթ ստեղծելը: Պուտինը հավելել է, որ ներկայիս հանդիպումը պատրաստվել էր վաղուց: Լուկաշենկոն իր հերթին հայտարարել է, որ Ռուսաստանի, Բելառուսի ու Ղազախստանի տնտեսական միությունն ընդլայնվել է Հայաստանի ու Ղրղզստանի հաշվին:
