Էրդողանը յուրօրինակ ընդունելություն է պատրաստել նաև Իլհամ Ալիևի համար (տեսանյութ)
Թուրքական Hürriyet թերթի փոխանցմամբ՝ Թուրքիայի նախագահ Ռեջեփ Էրդողանը Անկարայում գտնվող նախագահական նստավայրում դիմավորել է Ադրբեջանի նախագահ Իլհամ Ալիևին: Օրեր առաջ Պաղեստինի առաջնորդ Մահմուդ Աբբասի պատվին նախագահական պալատում կազմակերպված յուրօրինակ ընդունելութունը գրեթե նույնությամբ կրկնվել է այս անգամ:
Այն ժամանակ Էրդողանը նախագահական պալատի ներսում Աբբասին դիմավորել էր միջնադարյան հագուստներով ու զենքերով 16 զինվորի ուղեկցությամբ, իսկ Ալիևի ընդունելության պարագայում այդ արարողությունը կազմակերպվել է նախագահական պալատի տարածքում՝ շենքից դուրս:
Թուրքական լրատվամիջոցն ընդգծում է, որ ամեն մի ընդունելության համար Էրդողանը նոր անակնկալ է մատուցում:
