Մարգվելաշվիլին հուսով է ռացիոնալ հարաբերություններ հաստատել Պուտինի հետ
Новости-Грузия լրատվական գործակալության փոխանցմամբ` Վրաստանի նախագահ Գեորգի Մարգվելաշվիլին հուսով է ժամանակի ընթացքում ռացիոնալ հարաբերություններ հաստատել Ռուսաստանի նախագահ Վլադիմիր Պուտինի հետ.
«Պուտինն այն մարդն է, որի հետ հուսով եմ, որ ինչ-որ փուլում կհաստատվեն ռացիոնալ հարաբերություններ: Մինչև դրանց հաստատումը չեմ ցանկանում փչացնել առկա հարաբերություններ` ավելորդ բաներ ասելով և ավելորդ սիրաշահումներ չանելով»:
Մարգվելաշվիլին Ռուսաստանի վարած քաղաքականությունը որակել է որպես ագրեսիվ ու թշնամական` ընդգծելով, որ պատրաստ է հանդիպել Պուտինի հետ, եթե երկխոսությունն առնչվի կոնկրետ հարցերի. «Այսօր կա Ռուսաստանի հետ հարաբերությունների երկու ձևաչափ:
Դրանցից մեկը Ժնևի բանակցություններն են, իսկ երկրորդը` Աբաշիձեի ու Կարասինի երկխոսությունը: Այդ ձևաչափերով դիտարկվում են որոշակի հարցեր: Նախագահների հանդիպումը պետք է առնչվի այն հարցերին, որոնք կանգնած են լինելու այդ թեմաներից վեր, և այդպիսի հարցերը շատ են. տարածքային ամբողջականությունը, հարկադիր վերաբնակների խնդիրները և այլք»:
