Իրանում չինական ներդրումների ծավալը գերազանցել է 50 միլիարդ դոլարի սահմանագիծը
Իրանական Mehr լրատվական գործակալության փոխանցմամբ՝ Իրանում Չինաստանի ներդրումների ծավալն աճել է ավելի քան երկու անգամ՝ 23 միլիարդ դոլարից հասնելով մինչև ավելի քան 50 միլիարդ դոլարի:
Այս մասին հայտարարել է Իրանի էներգետիկայի նախարարի՝ միջազգային հարցերով տեղակալ Էսմայիլ Մահսուլին: Նրա խոսքերով՝ չինական ներդրումները բաժին են ընկնում արդյունաբերական, նավթային, գազային ու նավթաքիմիական ոլորտների նախագծերի իրագործմանը:
Մահսուլին հավելել է, որ Իրանը պլանավորում է չինական ներդրումներից 1.5-2 միլիարդ դոլարն ուղղել ջրային ու էլեկտրաէներգիայի ոլորտներում նախագծերի իրագործմանը:
