ԱՊՀ պաշտպանության նախարարները Մոսկվայում կքննարկեն մինչև 2020 թվականը համագործակցելու հարցը
Ռուսական РИА Новости լրատվական գործակալության փոխանցմամբ՝ այսօր Մոսկվայում տեղի կունենա ԱՊՀ անդամ երկրների պաշտպանության նախարարների խորհրդի հերթական նիստը:
Պաշտպանության նախարարները դրանում քննարկելու են մինչև 2020 թվականը համագործակցության հայեցակարգը և օդա-տիեզերական պաշտպանության միացյալ համակարգը:
Այս մասին հայտնել է ՌԴ ՊՆ-ի մամլո ծառայությունը: Նիստը կդառնա ԱՊՀ պաշտպանության նախարարների 67-րդ աշխատանքային հանդիպումը, որն ուղղված է ռազմական փոխշահավետ համագործակցության հետագա զարգացմանը: