Թուրքիայում կառուցվելու են հատուկ թունելներ՝ մեծածավալ բեռնատարների անցման համար
Թուրքական Kanal7 հեռուստաալիքի փոխանցմամբ՝ Թուրքիայում կառուցվելու են հատուկ թունելներ՝ մեծածավալ բեռնատարների անցման համար: Այս մասին հայտարարել է Թուրքիայի տրանսպորտի, նավարկության ու հաղորդակցությունների նախարար Լյութֆի Էլվանը:
Նրա խոսքերով՝ թունելները կառուցվելու են նրա համար, որ բեռնաթափեն երկրի ավտոմայրուղիները: Նախարարն ընդգծել է, որ առաջին փուլում պլանավորված է նման թունելներ կառուցել Ստամբուլում: Թուրքիայի Վիճակագրության ինստիտուտի տվյալներով՝ երկրում գրանցվել է 18.052.195 ավտոմեքենա:
Թուրքիայի բոլոր թունելների երկարությունը կազմում է 145.694 կիլոմետր:
