Թուրքիան տանկեր է կենտրոնացրել Սիրիայի հետ սահմանին
Բրիտանական Reuters լրատվական գործակալության փոխանցմամբ՝ Թուրքիան տանկեր է տեղակայել Սիրիայի հետ սահմանին՝ սիրիական Քոբանի սահմանային քաղաքից ոչ հեռու: Նման որոշում է ընդունվել այն բանից հետո, ինչ «Իսլամական պետություն» ահաբեկչական խմբավորման արձակած արկերն ընկել են Թուրքիայի տարածքում:
Թուրքիայի իշխանություններն ընդգծել են, որ սահմանային տարածքում դիրքեր են գրավել առնվազն 35 տանկեր: Ավելի վաղ հաղորդվել էր, թե Թուրքիայում սիրիացի փախստականների թիվը հասել է 1.5 միլիոնի, որոնցից միայն մոտ 300.000-ն է բնակվում Թուրքիայի իշխանությունների ստեղծած ճամբարներում:
