Ամասիա-Բերդաշեն ավտոճանապարհին բեռնատար ավտոմեքենան կողաշրջվել է
Սեպտեմբերի 15-ին, ժամը 00.06-ին ահազանգ է ստացվել, որ Շիրակի մարզի Ամասիա-Արփա գետ ավտոճանապարհի 2-րդ կմ-ում անասնակերով բեռնված «ԳԱԶ-53» մակնիշի բեռնատար ավտոմեքենան կողաշրջվել է. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Ամասիա – Բերդաշեն ավտոճանապարհի 2-րդ կմ-ում «ԳԱԶ-53» մակնիշի 27ՕՍ608 պետհամարանիշի ավտոմեքենան (վարորդ Ա.Ա.) դուրս է եկել ճանապարհի երթևեկելի հատվածից և կողաշրջվել, տուժածներ չկան:
Հրշեջ-փրկարարները գազազրկել և հոսանքազրկել են ավտոմեքենան:
ՀՀ Արտակարգ իրավիճակների նախարարություն
