ԵՄ-ի Խորհուրդը որոշել է բեռնարգելք դնել Ղրիմից ապրանքների ներկրման վրա
Ռուսական ИТАР-ТАСС լրատվական գործակալության փոխանցմամբ՝ ԵՄ-ի Խորհուրդը որոշել է արգելել Ղրիմից ապրանքների ներկրումը ԵՄ: Այս մասին ռուս լրագրողներին հայտնել է Լիտվայի արտգործնախարար Լինաս Լինկյավիչուսը:
Ավելի վաղ հայտարարվել էր, որ հունիսի 23-ին ԵՄ-ի Խորհուրդը դիտարկելու է Ռուսաստանին Ղրիմի միացումը չճանաչելու ռազմավարությունը: Եվրահանձնաժողովը գնահատում է Ուկրաինայից Ղրիմի անջատման իրավական հետևանքները և առաջարկում է տնտեսական, առևտրային ու ֆինանսական սահմանափակումներ՝ դրանց դանդաղ կիրառմամբ:
ԵՄ-ը մասնավորապես մտադիր է մինչև հունիսի վերջ բեռնարգելք դնել Ղրիմից գինու և այլ ապրանքատեսակների ներկրման վրա՝ կապված թերակղզին Ռուսաստանին միացնելու հետ:
