Իրաքում կանայք սկսել են համալրել ինքնապաշտպանական ջոկատների շարքերը
Ռուսական ИТАР-ТАСС լրատվական գործակալության փոխանցմամբ՝ Իրաքի Դիյալահ նահանգում ավելի քան 200 կին համալրել է ինքնապաշտպանական ջոկատների շարքերը: Այս մասին հայտնում են տեղի ԶԼՄ-ները:
Կանայք հայտարարել են, որ մտադիր են զենքը ձեռքներին դիմակայել «Լևանտում ու Իրաքում իսլամական պետություն» խմբավորման զինյալներին: Կանանցով համալրված ինքնապաշտպանական ջոկատների միջուկը կազմում են «Իրաքի կանայք» շարժման անդամները:
Այն ստեղծվել է 2007 թվականին՝ խոչընդոտելու համար կանանց ու աղջիկներին ահաբեկչական խմբավորումների կազմում հավաքագրելուն: Դիյալահ նահանգը գտնվում է Բաղդադից դեպի հյուսիս-արևելք, նրա բնակիչները մտավախություն ունեն, որ սուննի զինյալները հարևան շրջաններից կարող են ներխուժել իրենց նահանգ:
