Աբխազիայում ստեղծված իրավիճակը մտահոգություն է առաջացնում Թբիլիսիում ու Վաշինգտոնում. Փանջիկիձե
Ադրբեջանական Trend լրատվական գործակալության փոխանցմամբ՝ ԱՄՆ փոխպետքարտուղար Ուիլյամ Բեռնսն ու Վրաստանի արտգործնախարար Մայա Փանջիկիձեն Վաշինգտոնում տեղի ունեցած հանդիպման ժամանակ քննարկել են Աբխազիայում ստեղծված իրավիճակը:
Հանդիպումը կայացել է Փանջիկիձեի ամերիկյան աշխատանքային այցի շրջանակներում: Հանդիպումից հետո Փանջիկիձեն հայտարարել է, որ վերջին օրերին Աբխազիայում ստեղծված իրավիճակը մտահոգություն է առաջացնում Թբիլիսիում ու Վաշինգտոնում:
Փանջիկիձեն հավելել է, որ Բեռնսի հետ քննարկել է նաև տարածաշրջանային անվտանգությանն առնչվող հարցեր՝ կապված Ուկրաինայում տիրող իրավիճակի հետ, ՆԱՏՕ-ին Վրաստանի ինտեգրման գործընթացը, ԵՄ-ի հետ Ասոցացման համաձայնագրի ստորագրման հարցը, ԱՄՆ-ի հետ երկկողմ հարաբերությունները:
