Մերկելը գլխավորում է աշխարհի ամենաազդեցիկ կանանց վարկանիշային ցուցակը
Գերմանիայի կանցլեր Անգելա Մերկելը գլխավորում է աշխարհի հարյուր ամենաազդեցիկ կանանց վարկանիշային ցուցակը: Սկսած 2004 թվականից, երբ Forbes ամսագիրն սկսեց նման վարկանիշային ցուցակ հրապարակել, Մերկելն այն գլխավորել է ութ անգամ:
ԱՄՆ Դաշնային պահուստային համակարգի ղեկավար Ջանեթ Յելենն առաջին անգամ է հայտնվել ցուցակում եւ անմիջապես զբաղեցրել երկրորդ հորիզոնականը: Երրորդ տեղում է 49-ամյա Մելինդա Գեյթսը, ով ղեկավարում է Բիլ եւ Մելինդա Գեյթսերի բարեգործական հիմնադրամը, նրան հաջորդում է Բրազիլիայի 66-ամյա նախագահ Դիլմա Ռուսեֆը:
Առաջին տասնյակում են նաեւ ԱՄՀ ղեկավար Քրիսթին Լագարդը, ԱՄՆ նախկին պետքարտուղար Հիլարի Քլինթոնը եւ ԱՄՆ առաջին տիկին Միշել Օբաման:
