Սիրիան վտարում է Հորդանանի գործերի ժամանակավոր հավատարմակատարին
France-Presse լրատվական գործակալության փոխանցմամբ՝ Դամասկոսը Հորդանանի գործերի ժամանակավոր հավատարմակատարին հայտարարել է «անցանկալի անձ» (persona non grata): Նրան կարգադրվել է 24 ժամում լքել Սիրիայի տարածքը: Դա դարձավ Ամմանից Սիրիայի դեսպան Բահջաթ Սուլեյմանին վտարելու պատասխանը:
Ամմանից Սիրիայի դեսպանին վտարելու մասին հայտնի էր դարձել դրանից ժամեր առաջ: Հորդանանի ԱԳՆ-ը հայտնել էր, որ սիրիացի դեսպանը խախտել է դիվանագիտական արձանագրությունը՝ սոցցանցերում անելով վիրավորական մեկնաբանություններ:
Ներկա դրությամբ Հորդանանում գտնվում է ավելի քան մեկ միլիոն սիրիացի փախստական:
