Ռ-Էվոլյուցիա-Թողարկում 70
Անցած շաբաթ Ազգային ժողովը հաստատեց նոր կառավարության ծրագիրը: Կառավարության ծրագրից գոհ են բոլորը՝ և իշխանությունը, և ոչ իշխանական ուժերը: Որոշակի հռետորական տարբերություններով, բնականաբար: Նախագահ Սերժ Սարգսյանը Հովիկ Աբրահամյանին վարչապետի պաշտոնում առաջադրելիս հայտարարեց, որ նրա խնդիրը պետք է լինի կառավարության նկատմամբ հասարակության վստահության վերականգնումը: Առայժմ վարչապետին հաջողվել է ստանալ միայն սեփական կուսակիցների ու խորհրդարանական ընդդիմախոսների վստահությունը, որոնց հասարակությունը չի վստահում հավասարապես: Արդյո՞ք նա կկարողանա արժանանալ նաև քաղաքացիների վստահությանը, թե՞ կընտրի քաղաքական ուժերի վստահության միջոցով քաղաքացիների անվստահությունը լռեցնելու մարտավարությունը: Այս և բազմաթիվ այլ հարցերի պատասխաններ այսօր մեր տաղավարում կստանանք հենց վարչապետ Հովիկ Աբրահամյանից:
