Նաիրա Զոհրաբյանը ՀՀ վարչապետ Հովիկ Աբրահամյանին խորհուրդ տվեց քիչ լսել ուրիշներին
![](https://168.am/wp-content/uploads/2014/03/Naira-Zohrabyan.jpg)
Այսօր ԱԺ նիստում ելույթ ունենալով ԲՀԿ խմբակցության անունից պատգամավոր Նաիրա Զոհրաբյանը ՀՀ վարչապետ Հովիկ Աբրահամյանին խորհուրդ տվեց քիչ լսել ուրիշներին, որպեսզի իրատեսական քայլերի հնարավորությունը մեծանա: Զոհրաբյանը թվարկեց ՀՀ-ում առկա մի շարք խնդիրներ՝ կենսաթոշակային համակարգ, արագաչափր, կարմիր գծեր, բանկի տոկոսներ…
«Հայ ժողովուրդը պատմության մեջ մնալու է որպես տոկոսի տակ մնացած»,- նկատեց Զոհրաբյանը:
Նրա խոսքով՝ երկրի արտաքին պարտքն աճում է, իսկ մարդկանց բարեկեցությունը նվազում: Զոհրաբյանը նշեց, որ ԲՀԿ-ն փորձել է պարզել, թե ՀՀ կառավարությունն ինչպես է օգտագործել վարկերը, բայց չի հաջողել. «Խիստ անհասկանալի կամ խիստ հասկանալի սխեմաներ են գործել»:
Ըստ նրա՝ երկրում առկա են ավելի լուրջ մարտահրավերներ, քան արտացոլված է կառավարության ծրագրում և առ այս պահը որևէ տեսանելի փաստարկ չկա, որ իշխանությունը գնում է իր քաղաքական մենաշնորհը թուլացնելու ուղղությամբ: