Բժիշկ. Կրակոցներից տուժածներից 3-ին այս պահին վիրահատում են. նրանց վիճակը միջին ծանրության է
Թիվ 1 համալսարանական հիվանդանոցի գլխավոր բժիշկ Կարեն Սահակյանը 168.am-ի հետ զրույցում ասաց, որ Վերնիսաժի մոտ տեղի ունեցած կրակոցներից հետո իրենց մոտ են տեղափոխվել 5 վիրավոր քաղաքացիներ, որոնցից 3-ն այս պահին վիրահատարանում են, իսկ մյուս երկուսին քիչ հետո կվիրահատեն։
Նրանց կյանքին, ըստ բժշկի, վտանգ չի սպառնում։ Վիրավորվածներից ոմանք անցորդներ են եղել, մեկը՝ Վերանսաժի վաճառող:
Վիրավորներից 4-ին շտապօգնության մեքենայով են տեղափոխել թիվ 1 համալսարանական հիվանդանոց, իսկ մեկը՝ ինքն է եկել տաքսիով։ Վիրավորների ընդհանուր վիճակը միջին ծանրության է և բոլորի մոտ ստորին վերջույթների հրազենային վնասվածք է։
