Կդրվի՞ արդյոք Ռոբերտ Քոչարյանի արձանը. «ՀԺ»
«ՀԺ»-ն գրում է. «Երեկ ԱԺ ՀՀԿ խմբակցության պատգամավոր, ԱԺ արտաքին հարաբերությունների մշտական հանձնաժողովի անդամ Շիրակ Թորոսյանին մի քանի հարց ուղղեցինք` կապված Հայաստանում Լեհաստանի դեսպան Զդիսլավ Ռաչինսկու հայտարարության հետ: Հիշեցնենք, որ Լեհաստանի դեսպանը Երևանում Անաստաս Միկոյանի արձանը դնելը անբարոյական էր համարել.
– Պարոն Թորոսյան, ինչպե՞ս կմեկնաբանեիք լեհ դեսպանի հայտարարությունը:
– Միկոյանը, անկախ ամեն ինչից, հայ է ու սովետական հսկա կայսրությունում բարձր պաշտոն է զբաղեցրել: Պրոռուսական ուժերը մի՛ կերպ են մեկնաբանում այդ արձանը դնելը, արևմտյան ուժերը՝ ուրիշ կերպ:
– Անաստաս Միկոյանի հրամանով բազմաթիվ մարդիկ են գնդակահարվել, այնպես չէ՞:
– Ո՛չ, համակարգն է եղել մարդասպան: Ես շատ ուրախ եմ, որ Սովետական միության փոխվարչապետը հայ է եղել:
– Այսինքն ուզո՞ւմ եք, որ Անաստաս Միկոյանի արձանը դրվի:
– Ինձ համար միևնույն է: Ես հպարտանում եմ, որ Միկոյանի նման հայ մարդ է եղել:
– Իսկ Ռոբերտ Քոչարյանի՞նը:
Այս հարցին արդեն Թորոսյանը չպատասխանեց` ասելով, որ դրվում են միմիայն մահացած մարդկանց արձանները»:
Ամբողջությամբ կարդացեք «Հայկական Ժամանակի» այսօրվա համարում։
