Ջոն Հեֆերնը գործընկերային հանդիպումներ կունենա Միացյալ Նահանգներում

Հայաստանում ԱՄՆ դեսպան Ջոն Հեֆերնը մայիսի 17ի-ին կմեկնի Միացյալ Նահանգներ մի շարք քաղաքներում հանդիպումներ ունենալու հնարավոր գործընկերների հետ:

Հանդիպումների ընթացքում դեսպան Հեֆերնն ակնկալում է տարբեր գործընկերների հետ կարծիքներ փոխանակել մշակութային տուրիզմին/մշակութային պահպանությանը, ինչպես նաեւ գիտությանը, տեխնոլոգիաներին ու նորարարություններին առնչվող հարցերի շուրջ:

Գործընկերային հանդիպումների շարքը եզրափակելուց հետո դեսպանը խորհրդակցություններ կունենա մայրաքաղաք Վաշինգտոնում: Դեսպան Հեֆերնը Հայաստան կվերադառնա հունիսի 12-ին:

ԱՄՆ դեսպանատան մամուլի ծառայություն