Ուկրաինայի ներքաղաքական հարցերը պետք է լուծվեն նրա ժողովրդի կողմից. Չինաստանի ԱԳՆ
Ռուսական ИТАР-ТАСС լրատվական գործակալության փոխանցմամբ՝ Չինաստանը կարծում է, որ Ուկրաինայի ներքաղաքական հարցերը պետք է լուծվեն Ուկրաինայի ժողովրդի կողմից: Այս մասին հայտարարել է Չինաստանի փոխարտգործնախարար՝ Չեն Գոպինը՝ մեկնաբանելով Դոնեցկի ու Լուգանսկի մարզերում անցկացված հանրաքվեների արդյունքները.
«Կարծում եմ, որ Ուկրաինայի հանրաքվեները հանդիսանում են այդ երկրի ներքաղաքական գործերը: Չինաստանի արտաքին քաղաքականության կուրսը նախատեսում է չմիջամտել օտար երկրների ներքին քաղաքականությանը: Պետք է հարգել Ուկրաինայի բոլոր ազգությունների ներկայացուցիչների օրինական շահերը»:
