Ուկրաինայի «գազային» պարտքի չափը հասնում է 3.5 միլիարդ դոլարի. «Գազպրոմ»
Ուկրաինական UNIAN լրատվական գործակալության փոխանցմամբ՝ ռուսական «Գազպրոմի» պաշտոնական ներկայացուցիչ Սերգեյ Կուպրիյանովը հայտարարել է, որ Ուկրաինային ապրիլյան գազամատակարարումների համար վճարում անելու ժամկետը սպառվել է, սակայն վճարում այդպես էլ չի կատարվել:
Կուպրիյանովի խոսքերով՝ դրանով իսկ ռուսական գազի դիմաց Ուկրաինայի պարտքն աճել է մինչև 3 միլիարդ և 508 միլիոն դոլարի: Ուկրաինայի էներգետիկայի ու ածխային արդյունաբերության նախարարության նախարար Յուրի Պրոդանը հայտարարել է, որ իրենք չեն ճանաչում գումարի այդ չափը՝ որպես գազային պարտք:
